उद्योजकांच्या विविध समस्यांबाबत तळोजा इंडस्ट्रीज असोसिएशनची पोलीस प्रशासनासोबत बैठक संपन्न
प्रभात पर्व न्यूज - Published: 21-Jan-2022 07:22 pm
तळोजा : तळोजा एमआयडीसीतील उद्योजकांना भेडसावणाऱ्या विविध समस्यांबाबत तळोजा पोलीस स्टेशनचे वरिष्ठ पोलीस निरीक्षक जितेंद्र सोनवणे यांच्यासोबत तळोजा इंडस्ट्रीज असोसिएशनची आयोजित करण्यात आली होती. आज (शुक्रवार २२ जानेवारी) संपन्न झालेल्या या बैठकीत एमआयडीसीतील कायदा व सुव्यवस्था तसेच कामगार समस्यांवर चर्चा झाल्याची माहिती, तळोजा इंडस्ट्रीज असोसिएशनचे अध्यक्ष सतीश शेट्टी यांनी दिली आहे.
या बैठकीत जितेंद्र सोनावणे यांनी उद्योजकांना सांगितले की, एमआयडीसी हा मोठा परिसर असल्याने कायदा व सुव्यवस्थेचे नियंत्रण आणि व्यवस्थापन करण्यासाठी संपूर्ण भागात गस्त घालणे अत्यंत आवश्यक आहे. यासाठी सोनावणे यांच्या विनंतीवरून तळोजा इंडस्ट्रीज असोसिएशनकडून तळोजा पोलीस ठाण्याला बोलेरो वाहन देण्यासाठी प्रयत्न करणार असल्याचे, सतीश शेट्टी यांनी सांगितले. यावेळी सीआसर फंडातून एमआयडीसी औद्योगिक क्षेत्रातील विविध भागात सीसीटीव्ही कॅमेरे बसवण्यासाठी उद्योगांनी केलेल्या मदतीचे जितेंद्र सोनवणे यांनी कौतुक केले.
यावेळी जितेंद्र सोनवणे यांनी उद्योजकांना सल्ला दिला की, कारखानदारांनी कोणत्याही प्रकारच्या अधिकृत कामांसाठी (घरगुती, बागकाम, सुरक्षा इत्यादी) कायमस्वरूपी, कंत्राटी, तात्पुरत्या कामगारांची ओळख माहिती गोळा करून संग्रहित करावी. त्याचप्रमाणे, उद्योगात गुंतलेल्या ट्रक ड्रायव्हर्स/हेल्परचे ओळखीचे तपशील देखील गोळा करून संग्रहित केले जावेत. गुन्ह्यांच्या शोधात हे पाऊल खूप पुढे जाईल, कारण कोणत्याही प्रकारची कायदा आणि सुव्यवस्थेची परिस्थिती उद्भवल्यास, उद्योगाद्वारे संकलित केलेली ही माहिती पोलिस स्टेशनला खूप उपयुक्त ठरेल, अशी टिप्पणी त्यांनी केली. दरम्यान, स्थानिक कामगारांना प्राधान्याने कामावर ठेवण्यासाठी तळोजा इंडस्ट्रीज असोसिएशन कटीबद्ध असल्याचे असोसिएशनचे अध्यक्ष सतीश शेट्टी यांनी सांगितले आहे.
या बैठकीसाठी तळोजा पोलीस स्टेशनचे वरिष्ठ पोलीस निरीक्षक जितेंद्र सोनावणे, तळोजा इंडस्ट्रीज असोसिएशनचे अध्यक्ष सतीश शेट्टी, मानद सचिव रोहित बन्सल, कोषाध्यक्ष बिनीत सालियन, सह-कोषाध्यक्ष भावेश मोदी, समिती सदस्य एस. एस. शेट्टी, सरचिटणीस बिदुर भट्टाचार्जी,कार्यकारी सचिव सुनील पाधीहारी इत्यादी उपस्थित होते.
इतर बातम्या
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
